ESCOLA DE ARTE SUPERIOR DE DESEÑO RAMÓN FALCÓN

Listar noticias

Colaboración da Escola “Ramón Falcón” coa Concellería de Xuventude do Concello de Lugo, a Deputación de Lugo, e Asociacións de Comerciantes.

11/01/2012

A “Noite Aberta”, é unha actividade organizada polos comercios do centro de Lugo, co obxectivo de dinamizar o comercio, ofertando a apertura dos establecementos ata as doce da noite. Diferentes actuacións de street dance, hip hop, salsa, tango, danza do ventre, xogos para nenos, desfiles animaron a noite en distintos puntos do casco histórico da cidade, e a distintas horas da mesma.

Esta actividade vese envolvida dentro do marco de dinamización da cidade, onde interveñen institucións tales como o Concello de Lugo, a Deputación Provincial, a Fundación TIC, e asociacións empresariais.

Coa intervención do noso alumnado cremos ter potenciado a interacción con outros suxeitos activos da sociedade lucense, ademais de ser unha actividade de promoción e difusión do traballo dos nosos alumnos.

A realización da reportaxe fotográfica deste evento serviu ao alumnado dunha grande experiencia, posto que se trataba de realizar unha actividade netamente profesional.

Os alumnos Alba Pérez, Bruno Martínez, Iago Anello, Luis Figueiras y Paula Vizcaíno realizaron esta reportaxe dende as 19,30 h ás 12 h, debendo organizarse para cubrir a totalidade do evento, con criterios persoais e profesionais, co fin de alcanzar o obxectivo, isto é, proporcionar ao "cliente " unha reportaxe completa que trasladase en imaxes fotográficas o que aquela noite se viviu na nosa cidade.

Pensamos que a colaboración tanto con institucións públicas, como privadas serviu dobremente como actividade de promoción así como unha práctica profesional para o alumnado.

Estamos orgullosos do traballo desenvolvido polo noso alumnado, xa que é o segundo ano que se nos pide este tipo de colaboración.

O alumnado participou en tal actividade de xeito voluntario, sen que este traballo puntuase para o seu rendemento académico.

Coordinou a actividade a Directora do centro Esther Muñoz.