ESCOLA DE ARTE SUPERIOR DE DESEÑO RAMÓN FALCÓN

Proba de madureza para maiores de 19 anos:

29 de xuño de 2010 en Santiago de Compostela [Escola de Arte Mestre Mateo: Rúa Virxe da Cerca, 32]

O aspirante deberá demostrar que posúe os coñecementos propios da etapa educativa precedente.

Constará de dúas partes:

• Primeiro exercicio:
  • Desenvolvemento por escrito, durante un tempo máximo dunha hora, das cuestións que se formulen a partir dun texto escrito.
• Segundo exercicio:
  • Desenvolvemento por escrito, durante un tempo máximo de dúas horas, das cuestións que se formulen a partir duna conferencia impartida por un membro do tribunal.

Proba específica:

6 de xullo de 2010, en Santiago de Compostela [Escola de Arte Mestre Mateo: Rúa Virxe da Cerca, 32]

Constará de dous exercicios:

• Primeiro exercicio:
  • Valoraranse tanto os coñecementos do nivel educativo precedente como o grao de madureza no relativo á comprensión de conceptos, á utilización da linguaxe e á capacidade de análise e síntese.
  • Versará sobre as seguintes materias ao nivel de bacharelato: lingua galega e literatura, lingua castelá e literatura, historia, matemáticas, física e química e lingua estranxeira (obrigatoria, elixindo inglés ou francés).
    Cada aspirante elixirá tres materias e desenvolverá por escrito unha cuestión de cada unha das materias elixidas. Para tal efecto, o tribunal proporá catro cuestións de cada unha das materias.
  • O tempo máximo para contestar a cada unha das materias será de sesenta minutos.

• Segundo exercicio:
  • A primeira parte, cunha duración máxima de catro horas, consistirá na realización dun exercicio de representación dun modelo tridimensional mediante a aplicación de técnicas e linguaxe propias do debuxo artístico, así como a súa representación, ou a doutro modelo diferente, nun sistema propio das linguaxes de representación técnica.
  • A segunda parte, cunha duración máxima dunha hora, consiste na realización dun exercicio compositivo en cor realizado con técnica libre, baseado na libre interpretación do modelo proposto.