A E.A.S.D Ramón Falcón é un centro público dependente da Xunta de Galicia, polo que todas as súas ensinanzas teñen carácter oficial e validez académica e profesional en todo o espazo común europeo.
Dedicada dende hai máis dun seculo ó ensino das artes, actualmente completa a súa oferta formativa seguindo o que marca o Tratado de Bolonia. Polo que suma as súas clásicas ensinanzas de ciclos formativos superiores (Fotografía Artística, Gravado e Cerámica Artística) e medios (Serigrafía), as dos estudos de Grao nas especialidades de Deseño Gráfico e Deseño de Interiores, equivalentes ao correspondente título universitario de Grao.
O noso obxectivo é contribuir a formar persoas que comprendan, valoren e poidan participar no deseño e as artes sen perder de vista o mercado laboral próximo ou afastado. Por iso, os estudos compleméntanse con prácticas nun amplo abano de empresas que representan as principais saídas profesionais. Neste curso, ademáis, acadouse a integración da EASD nos programas de intercambio europeo.
Para todos estes estudos o Ministerio de Educación e Ciencia convoca anualmente unha serie de becas. E para acceder a elas é necesario posuír diferentes titulacións e superar unha serie de probas de acceso
As súas aulas, moitas delas obradoiros de ensino individualizado e práctico, están nun contexto privilexiado, tanto polo propio centro como polo seu entorno, compartido co campus universitario, o Conservatorio de Música e Danza ou a Escola Oficial de Idiomas.
Instalacións
EASD dispón dun edificio singular nun entorno non menos especial. Cunhas instalacións adaptadas os novos tempos, con aulas informáticas tanto de PC como de Mac, platós de fotografía e audiovisuais e animación, rede wifi... a carón dos laboratorios de fotografía analóxica, obradoiros de cerámica, serigrafía, gravado ou maquetación, etc. Complétase o centro cunha cafetaría aberta durante todo o horario lectivo e cunha biblioteca especializada que permite os alumnos unha constante atualización, ademáis de dispor de ordenadores de consulta, impresoras e plotters e unha sala de exposicións contigua, cos traballos máis sobranceiros do curso anterior.
Sede
“Este edificio, relativamente poco conocido, pasa por ser uno de los más interesantes de la arquitectura construída en Lugo durante el último tercio del siglo XX. Fue inaugurado por los Reyes en 1976, siendo director general de Bellas Artes el lucense D. Ramón Falcón, que también gestionará los fondos necesarios para llevar adelante la “operación limpieza” de la muralla, que permitió eliminar las viviendas arrimadas al monumento romano (…). El proyecto se basa en la definición individual de cada aula con superficies variables y cubiertas a una agua enlazadas por una zona cubierta abierta al jardín interior (…). El cuidado en los detalles es otra de sus características, entre las que hay que destacar el losado de la cubierta y los muros de lajas de xisto que mimetizan los volúmenes con la arquitectura popular del entorno. La estructura metálica está revestida con madera y deja percibir su funcionalidad (…)”.
“Guía de Arquitectura de Lugo”
Colexio Oficial de Arquitectos de Galicia
pp. 206-209
Últimas novas
O pasado martes 7 de maio, se inauguraba na Biblioteca Pública Provincial de Lugo, a mostra de gravados, realizada polos alumnos do CFGS de Gravado e Técnicas de Estampación. A exposición podese visitar ata finais de maio.
O xoves 2 de maio, os estudantes de Deseño de Interiores da EASD Ramón Falcón de Lugo fixeron unha viaxe ata Pedrafita do Cebreiro, porta de Galicia do Camiño Francés de Santiago, para visitar o Conxunto Etnográfico das Pallozas do Cebreiro.
A Escola conmemora o día mundial do deseño (27 de abril) co traballo dos seus alumnos de 2º de Deseño Gráfico e a súa creación para a ocasión. O traballo de Josetxu López Piñeiro e Sergio Carro López foi seleccionado polos seus compañeiros para celebralo. Feliz día do deseño.
O pasado venres 19 de abril de 2013 alumnos do IES Nosa Señora dos Ollos Grandes de Lugo visitaron a Escola de Arte e Superior de Deseño Ramón Falcón. Alí foron recibidos pola directora Esther Muñoz, que mostrou aos visitantes a sala de exposicións que presenta unha selección de traballos realizados o ano anterior nas diferentes especialidades impartidas no centro.
Os días 16, 17, 18 e 19 o departamento de Deseño Gráfico organizou as Xornadas de edición, tres conferencias e dous obradoiros. Nelas os alumnos puideron observar distintos modos de abordar un proxecto de edición, dende a edición de libros, a creación de portadas e o emprego das retículas no mundo editorial e web. Os coordinadores desta iniciativa foron os profesores Cristobal Novoa, María Vázquez e Natalia Crecente.
